മറക്കണം നീ .............

ചിരിച്ചുകൊണ്ടോർക്കാൻ കഴിയാത്തൊരായിരം നൊമ്പരങ്ങൾ 

എൻ ചലനത്തെപോലും ചോദ്യം ചെയുമ്പോൾ 

മടിയേതുമില്ലാതെ ഓർമ്മതൻ വാതിലിൽ മുട്ടുന്നനേരം 

പിടക്കുന്ന ഹൃദയത്തിനുത്തരം ഞാനെന്തു പറയേണ്ടു 

തേജസ്വനിയാം വാനിതിൽ കൈകൾ കൂപ്പി കേണിടുമ്പോൾ 

ഒരല്പമാം ആശ്വാസം യാചിക്കുമെന്നോട-

രുളിയ ഹൃദ്യമാം വാക്കുകൾ ഓർക്കുന്നു ഞാൻ- 

"മറക്കണം നീ ഓർക്കരുതാത്തതെല്ലാം എന്നുമെന്നും"

പ്രതീക്ഷാപൂർവം ഭാവിയിലേക്ക്ഉരുളുമെൻ കർമ്മങ്ങൾ 

അപ്രതീക്ഷിതമാം വൈരികൾ കണ്ടുടയുമ്പോൾ 

ഓർക്കുക പഠിച്ചതോർക്കുക എന്നുമോർക്കുക-

"മറക്കണം നീ ഓർക്കരുതാത്തതെല്ലാം എന്നുമെന്നും" 

വീണുപോയൊരിടങ്ങൾ വിജയസ്മാരകങ്ങളാക്കി 

കുതിക്കണം നീ കുതിച്ചു പായണം നീ കുതിരകണക്കെ 

പൊട്ടിച്ചിതറിയതാം  സ്വപ്നത്തിൻ മണിമുത്തുകൾ 

ഹാരമാക്കിയണിയണം ദേവൻ മൂർത്താവിൽ .....